2 сард шинээр хэвлэгдсэн бэстселлер номууд

Энлайтэн-ийн эрхэм уншигч танд энэ өдрийн мэндийг хүргэе. 
Та өөрт хэрэгтэй мэдлэг, мэдээллүүдийг номуудаар дамжуулан сонсож өөрийгөө оюуны эрч хүчээр цэнэглэсэн гэдэгт бид итгэж байна. 😃

Энэ удаагийн имэйлээр бид та бүхэндээ дэлхий дахинд шинээр хэвлэгдэн гарсан номуудын тухай мэдээллийг хүргэхээр бэлдлээ. Таалан соёрхоно уу. 

Энэхүү ном нь Вьетнам-Америкийн дайнаас улбаалан, цэргийн сувилагчаар явж буй залуухан Америк бүсгүй, түүний эх орноо гэсэн сэтгэл, үхэл-амьдралын зааг дээрх дайны өдрүүд, найз нөхөрлөлийн үнэнч сэтгэл, эргээгээд хоромхон хугацаанд үзэн ядалт болох тэрхүү үзэгдлүүдийг харуулсан түүхэн уран зохиол юм.

Зохиогч болох Кристин Ханнагийн хувьд Америк зохиолч бөгөөд сонирхолтой нь түүний бичсэн номуудын нэг болох “Firefly Lane” дээр сэдэвлэн Netflix кино хийж байсан. Шинээр бичсэн энэхүү ном нь борлуулалтад гарснаас хойш АНУ болон Amazon-ыг борлуулалтаар тэргүүлж байна.

Зохиолч 67 жил эрэгтэй хүний ​​амьдралаар амьдарсны эцэст эмэгтэй хүн рүү шилжиж байгаагаа олон нийтэд зарлав. 1970-аад оны эхээр Нью-Йорк хотруу нүүж, ажилчин, католик шашинтнуудын гэр бүлд хүмүүжсэн нь тухайн үеийн АНУ-ын залуучуудын дунд “моод” болж байсан хар тамхинаас холдуулж, зохиолчийн карьер хөөх боломжийг бүрдүүлжээ.

Тэрээр энэхүү номдоо өөрийн намтар, тэр дундаа дотоод сэтгэл нь эмэгтэй хэдий ч эрэгтэй хүний баг зүүж явах нь хэр хэцүү байсныг өгүүлсэн буюу дотоод ертөнцөө дэлхийд таниулахыг харуулсан сэтгэл хөдөлгөм бүтээл юм.

Та 21-р зууны шилдэг кино дэлгэцийн бүтээлүүд болох, Леонардо Ди Каприогийн тоглосон “Blood Diamond”, Том Крузийн тоглож байсан “Last Samurai”-г үзэж байсан уу? Үзэж байсан бол энэхүү номыг заавал уншаарай гэж зөвлөмөөр байна. Энэхүү номыг зохиогч болох Звик нь дээрх кинонуудын найруулагч, продюсерийг хийсэн бөгөөд Оскарын шагналыг 2 удаа, Алтан Бөмбөрцөгийн шагналыг мөн 2 удаагийн хүртэж байсан кино урлаг дотроо “том”-чуудын нэг юм.

Энэ удаа тэрээр өөрийн амьдрал, хамт ажиллаж байсан супер одууд, холливуудын амьдралын сайхан-муухай, хөшигний цаадах бэрхшээлүүд мөн өөрийн сэтгэцийн эмгэгийг номд буулган олон нийтэд хүртээлээ.

Дэлхийн хамгийн хүчирхэг гүрэн болох АНУ-ын ерөнхийлөгчийн охин байх ямар байдаг бол? Бүх л зүйл нь бэлэн, юунд ч санаа зовохгүй, сайхан амьдрал байдаг болов уу? Хүн болгон таны хийж буй зүйлийг байнга харах ямар байдаг бол?

АНУ-ын 40 дэх ерөнхийлөгч “Роналд Рейган”-ны охин Патти Дэвис номондоо өөрийн түүхийг өгүүлжээ. Тэрээр олны нүдэн дээр өссөн ч энэ нь түүнийг ямар байсныг хүмүүс мэднэ гэсэн үг биш гэдгийг дурсамжуудаараа өгүүлээд зогсохгүй. түүний алдартай эцэг эх, тэднийг ямар хүмүүс болгож байсныг тэмдэглэн үлдээсэн юм.

Алцхеймер өвчтэй болсон аав, амьдралынхаа төлөө тэмцэж байсан ээжийнхээ тухай мөн өгүүлсэн нь гэр бүлийн үнэ цэнийг мөн харуулж өгсөн нь энэхүү номыг илүү чимж чаджээ.

Их Британийн колоничлолын үе буюу 20-р зууны эхэнд, эх орныхоо төлөө зүтгэхээр шийдсэн залуу хүү болох Эрик Блэйрын тухай энэхүү номд өгүүлнэ. Их Британийн цэргийн албанаас Бурма(одоогийн Мьянмар) улс руу томилогдсоноор түүний бүх түүх эхлэх болно. Соёлын шок, арьс өнгөний ялгаварлан гадуурхалт, баян хоосноос шалтгаалсан зөрчилдөөн зэргийг тэр тэндээс л олж мэдэж авав. Тэр яаж хүлээж авсан бол?

Та Жорж Орвел гэж сонсож байсан уу? Амьтдын ферм, 1984 зэрэг номуудыг уншиж байсан уу? Хэрвээ тийм бол энэхүү номонд гарч буй Эрик Блэйр нь Жорж Орвел юм.